Експресниот пат Прилеп – Градско ќе биде завршен во време на СДСМ, а Горан Сугарески ќе остане запаметен како најуспешниот министер за транспорт и врски

Реакција на ОО на СДСМ Прилеп на денешната прес конференција на ОК на ВМРО-ДПМНЕ

 

Почитувани,

Епидемијата  на лажни вести од која боледува раководството на ВМРО-ДПМНЕ, ги зарази и нивните локални претставници.

Секојдневно се натпреваруваат кој може поголема лага да смисли.

Безочна лага е дека државата имала обврска да плати пенали од 100.000.000 евра, бидејќи правната разврска ќе следи на арбитража.

Инаку, договорот со шпанската компанија е склучен во време на ВМРО-ДПМНЕ, и тие најдобро знаат зошто во периодот 2006 – 2016 година жителите од Пелагонискиот регион останаа без овој експресен пат.

Додека во Скопје налудничаво се фрлаа стотици милиони евра на камен, бронза, жални врби и споменици, регионот беше целосно заборавен од претходниот режим на Груевски и ВМРО-ДПМНЕ.

Трагично е што ОК на ВМРО-ДПМНЕ од Прилеп, се’ уште живее во темното и криминално минато на Груевски, кога се договараа тендери во четири очи, се бараа провизии и се даваа бизниси на блиски фирми.

Тоа време заврши.

Владата предводена од СДСМ, работи транспарентно и законски.

Најважно од се’ е проектот да биде изработен домаќински и одговорно, во согласност со законите.

Експресниот пат Прилеп – Градско ќе биде завршен во време на СДСМ, а Горан Сугарески ќе остане запаметен како министер во чие време се модернизирал најголемиот дел од патната инфраструктура во државата.

 

Центар за комуникации со јавност

ОО СДСМ Прилеп