Реакција на прес на ОК ВМРО-ДПМНЕ Прилеп
Почитувани,
Советниците на ВМРО-ДПМНЕ во Советот на Општина Прилеп, повторно ги потценуваат граѓаните и демонстрираат лицемерие и кукавичлук својствени само за нивната криминална партија.
Очигледно, советниците од ДПМНЕ се заинтересирани само за советничкиот хонорар што го добиваат од општинската каса, а немаат никаква намера да се грижат за интересите и потребите на граѓаните во Општина Прилеп.
Веќе неколку седници по ред ги напуштаат седниците на Совет и не учествуваат во работата на овој највисок орган, за што бирани и платени со парите од граѓаните.
12 годишното владеење без да сработат ништо, а да земаат плата, е пракса од која тешко се одвикнува ВМРО-ДПМНЕ дури и кога е опозиција.
ВМРО-ДПМНЕ ја покажа својата деструктивност не само денес кога ја напуштија седницата на која се гласаше за бесплатниот превоз за пензионерите, туку и на претходната седница на Совет кога побегнаа и не гласаа за потребите на децата со церебрална парализа во Прилеп.
Тоа се политиките на ВМРО-ДПМНЕ, преполни со лицемерие, лажна друшегрижност и лични интереси!
Граѓаните на Општина Прилеп на последните избори јасно и гласно расчистија со ерата на ВМРО-ДПМНЕ, којашто повеќе од 10 години претставува симбол за криминал, корупција и погрешни политики.
Кривичните пријави што веќе се поднесени против Марјан Ристески, Ирена Стерјовска-Локвенец, Дарко Рибароски, се само мал дел од она што допрва ќе значи расчистување со децениското криминално владеење на ВМРО-ДПМНЕ и санирање на штетите од тоа.
Со почит,
Центар за комуникации со јавност
ОО СДСМ Прилеп
