Миле Талевски – Претседател на ОО СДСМ – Прилеп

Почитувани,

Го исполнуваме дадениот збор пред граѓаните и ја продолжуваме градежната офанзива во општина Прилеп.

За прв пат, после 40 години го реконструираме патот за Мариово, односно дел од регионалниот пат Витолиште – Лагово.

Во полн ек се градежните активности на најоштетениот дел од овој регионален пат, потегот помеѓу населените места Штавица и Бонче, каде во должина од 7 километри ќе биде поставен целосно нов слој на асфалт.

Со реконструкцијата ќе бидат санирани и двете свлечишта, кои претставуваа закана за учесниците во сообраќајот на овој регионален пат.

Со ова, го исполнуваме главното барање на жителите од мариовскиот крај и на сите кои секојдневно возат и патуваат по регионалниот пат Витолиште – Лагово.

Како одговорна партија покажавме и докажавме што значи да се враќаат парите кај граѓаните, да се остварува ветеното и да се подобрува животот на граѓаните.

Огромна е разликата помеѓу СДСМ и ВМРО-ДПМНЕ во пристапот кон капиталните инвестиции и развојот на инфраструктурата.

ВМРО-ДПМНЕ потроши над 700 милиони евра за Скопје 2014, додека СДСМ за две и пол години изгради и реконструираше патишта во вредност од 800 милиони евра.

Граѓаните го препознаваат правиот пат по кој заедно се движиме. Затоа на 12 април ќе ги поддржат победничките политики на СДСМ.

 

Центар за комуникации со јавност

ОО СДСМ Прилеп