Валентин Божиноски – член на Совет на Општина Прилеп
Почитувани,
Со назначувањето на поранешниот прв човек на ОК на ВМРО-ДПМНЕ од Прилеп, Гоце Ингилизов, за нов претседател на ФК Победа, политиката на големо влегува во спортот во Прилеп.
Јавноста мора да знае, од кои причини Ингилизов дојде на чело на фудбалската гордост на Прилеп, ФК Победа, особено поради фактот што е доктор и нема никаква историја како спортски работник?
Дали кумовската врска со градоначалникот Марјан Ристески, имаше улога во изборот на Ингилизов за Претседател на клубот?
Исто како Груевски и кумот Ставрески, очигледно целото ВРМО-ДПМНЕ функционира по кумско – фамилијарни врски.
Но, дали Гоце Ингилизов ја има поддршката од Управниот Одбор и спонзорите, односно прилепските компании коишто ја помагаат Победа во овие тешки времиња за клубот?
Прилепчани знаат дека во последните 10 години власт на ВМРО-ДПМНЕ, спортот во Прилеп го добре дното.
Најспортскиот град во Македонија, градот кој живееше за фудбалот и редовно продуцираше врвни репрезентативци во сите спортови, денес може само да сонува за дерби и европски натпреварувања.
Што уште е потребно за да конечно ВМРО-ДПМНЕ ги тргне своите канџи од спорот?
Малку ли беше 8 годишната суспензија за Победа, малку ли беше уништувањето на неколку млади генерации фудбалери со казната УЕФА?
Граѓаните на Прилеп, верните поддржувачи на Победа, кои денес се лишени од можноста да гледаат вистински спортски натпревари, никогаш нема да го простат предавството, уништувањето и деградацијата на фудбалскиот бренд на Прилеп!
На валканите политики на ВМРО-ДПМНЕ граѓаните велат: Доста е!
Граѓаните на Прилеп порачуваат: Збогум Никола!
