DSC04200Дејан Тошески — Претседател на надзорен одбор на ОО СДСМ Прилеп, тутунопроизводител

Почитувани,
Мерката, предвремени окуп на тутун, што на големо ја фалеше и промовираше Груевски со неговата Влада, не ги дава очекуваните резултати.
Предвремениот откуп на тутун, од самиот почеток па се до ден денес се одвива катастрофално.

Имено, дневната диманика на откуп на тутун, во пелагонискиот регион се движи во просек од околу 20 тони, со просечна цена од 160 ден за килограм тутун, цена која ни приближно не е блиску до просечните 200 ден за килограм, кои ги најави заменик министерот Коњановски.

Причините за тоа се наоѓаат во моменталната ниска откупна цена, која се темели врз проценките на откупните компании дека годинава ќе се произведат огромни количини на тутун, далеку над нивните капацитети за откуп.
Субвенционирањето, како и издавањето на дозволи од страна на министерството за земјоделие, според кои тутунарите ги засадуваат количините тутун, се одвива брз предходен план и програма, како и без предходни проценки за количините кои компаниите можат да ги откупат.
Затоа, навреме сакаме да укажеме, дека е можно оваа година големи количини на тутун да останат неоткупени, а со с тоа да им пропадне маката на тутунарите, за што директен виновник ќе биде Владата на ДПМНЕ.
Власта треба веднаш да оговори,
– Што ќе се случи со преостанатите количини на тутун од годинешнава реколта?
– Кој ќе им ја надомести штетата за произведениот, а неоткупен тутун на производителите?
– Дали има подготвено план за целосен откуп на тутунот?

Почитувани,
СДСМ како одговорна и најголема опозициска партија, имајќи го во предвид нискиот стандард, енормната скапотија и сиромаштија кои се дела на оваа Влада, секогаш ќе стои на страна на тутунопроизводителите и ќе се залага за повисика откупна цена и повисоки субвенции.