Денешната средба на Никола Груевски со група пензионери од Прилеп, ја оценуваме како обична предизборна пропаганда и манипулација.

Пензионерите денес живеат посиромашно од кога и да било.

Просечната пензија во Република Македонија, едвај ги покрива трошоците за живот.

Огромното поскапувања на храната, струјата, лековите, што ги наметна власта на ВМРО-ДПМНЕ во последниве години, целосно ги осиромаши пензионерите.

Сметаме дека ветувањата на Груевски за подобар живот на пензионерите, не се реални!

Затоа, Партијата на пензионери и обединети граѓани, како дел од коалицијата предводена од СДСМ, дава целосна поддршка на мерките од програмата „План за живот во Македонија“

Ја поздравуваме мерката – државна социјална пензија!

Новата Влада предводена од СДСМ ќе обезбеди државна социјална пензија за секое лице над 65 години старост кое во последните 20 години живеело на во Република Македонија, а не ги остварува условите за старосна пензија.

Државната социјална пензија, на почетокот, ќе биде во висина од 40% од просечната старосна пензија.

Новата Влада, ќе ги зголемува пензиите два пати годишно, согласно порастот на платите и трошоците за живот.

На крајот на секоја година Владата ќе носи одлука за вонредно зголемување на пензиите.

Ќе се воведе можност за предвремено пензионирање до максимум 5 години пред остварувањето на правото на пензија.

За пензионерите со ниски примања, кои немаат свој имот и немаат поддршка од семејството, државата ќе даде финансиска поддршка за да бидат сместени во старски дом.

Пензионерите денес едвај се издржуваат себе си, а мора да ги издржуваат и младите.

Таквата слика мора да се промени. Мора да има достоинствени пензии за старите и работни места за младите.

Затоа ги повикуваме сите граѓани да гласаат за бројот 4.

За живот на сите во Македонија.